Kol blong ol banana bot i mas kat ol sefti tul

Port Vila City Council i kol long Vanuatu Maritime blong impruvum ol seves blong ol banana bot blong oli mas kat ol sefti tul.

Lord Mayor, Eric Puyo Festa, i talem se kondisen blong sam bot blong ol man ples i nid blong apkred blong i sef long ol pasenja long solwora.

Hemi talem se i kat fulap banana bot oli stap operate long ol aelan blong Vanuatu mbe oli nokat ol sefti tul olsem laef jacket.

“Mo mi olsem mayor blong city ia bai mi no save akseptem blong man i ded o i lus long ol bot long solwora,” Mayor Festa i talem.

“Tete plante pipol i stap ko fishing long ol banana bot mbe i mas kat ol sefti tul blong protektem olketa.”

Head blong Technical long Office blong Maritime Regulator, Kembro Mandeson, i talem se oli saenem vinis agrimen wetem Dipatmen blong Fisheries blong save distriputum ol life jacket wetem flares o ol laet blong yusum olsem ol signal long ol bot ona sapos oli lus long solwora.

“Taem yu pem laesens long Dipatmen blong Fisheries mo yu regista long Ofis blong Maritime Regulator bae ol ofisa blong fisheries i putum wan smol devaes we hemi waeales long ol bot,” hemi talem.

“Mo taem yu stap aot blong ko long trip blong yu long solwora mo sun i bonem, hemi activate hem wan mo olketa long fisheries nao i monitarem mo bae oli faenem bot sapos hemi stap long wan problem long solwora.”

Mr Mandeson i talem se aweanes i stap ko hed vinis long ol aelan blong ol smol vessel ona i mas regista long fisheries blong oli save kivim ol sefti tul ia long ol ona blong bot.

Lord Mayor Festa i mekem kol ia taem Vanuatu i selebretem World Maritime dei wetem toktok ‘Sustanable shipping for a sustanable planet.’

 

 

(Visited 15 times, 1 visits today)

About The Author

You might be interested in