Kol blong ol lawyer i honest long wok

Chief Justice blong Vanuatu i kol long ol lawyer blong oli honest long pratis o wok blong olketa.

Vincent Lunabek i mekem apil ia taem hemi openem court session blong yia ia 2021.

Mr Lunabek i talem se hemi festaem blong hemi reisem point ia from se court i kontinu blong risivim komplen long pablik abaot pefomens blong ol lawyer se hemi no ethical.

Hemi talem se oli stat blong taetem ap administresen blong court blong karem bak trast long pipol.

“Rikod i soem se i kat wan total blong 25 komplein we i bin sabmit i kam mo discipline komiti bae i dil wetem olketa,” Chief Justice Vincent i talem.

“Aot long 25 komplen ia, seven long olketa oli involv long ol ofens olsem misuse blong trast mani mo unethnical mo prosessional behavior.

“Ol lawyer we oli no sevesem gud ol klaen blong olketa oli mas disciplinim olketa.

“Disaplin hemi olfala fasen blong yusum mbe naoia i kat wan trening prokram we bambae i helpem pefomens blong ol lawyer.”

Hed blong Judiciary long Vanuatu i wonem ol legal praktisina se praktis blong loa hemi honoroble.

“Practis blong loa i mas be honorable mo pipol i expektem yumi blong provaedem quality, ethnical, asesible, cost efectiv seves i ko long ol pipol,” hemi talem.

“From hemi risponsilibiti blong yumi blong upholdem mo promotem loa.

I kat ova 50 lawyer long kaontri.