Kol blong pablik servants oli neutrol

Minister blong Finance mo Economic Management i talem se ol staff blong Public Seves oli no mas soem se oli pat long wan politikol party olsem ol civil servant.

Honoroble Johnny Koanapo i talem toktok ia long opening blong ritrit blong public seves long aelan blong Pele.

Minister Koanapo i talem se public seves i sud stap neutrol blong promotem gudfala wok.

Hemi talem se hemi hop blong ritrit ia hemi lukluk bak blong impruvum perfomens blong public seves.

“ Public seves hemi wan long olketa bigfala employee long kaontri mo mi jalenjem ol sinia ofisa olsem ol draeva mo olketa we oli implementa blong kavman polisi blong oli tinktink outsaed long box mo givim sam gudfala tinktink,” Minister Koanapo i talem.

“ Mo tu impruvum kolaborasen bitwin ol difren sekta mo eria blong seves deliveri.”

Director General long Ministry blong Foreign Affairs, Kalfau Kaloris, i talem se oli wantem blong wok moa wetem ol kavman dipatmen blong kodinatem ol kavman polisi mo program long yioa 2021.

Secretary blong Public Service Commission, Jean Yves Bibi, i talem se ritrit ia hemi blong faenem aot evri isu we ol Director General mo ol director oli stap fesem long wok blong olketa mo lukluk long hao yumi save impruvum long yia 2021.

Gregoire Nimptik, Director General long Ofis blong Prime Minister i talem se, “Ol ajivmen blong yumi,hemi, yumi kontinu blong meintenem ol relation from hemia hemi key even we ol boda oli klos yet, yumi kat ol niu wei blong komuniket.

Public Service Commission hemi wan impoten commission we hemi stat anda long atikol 57 blong constitution o mama loa.

 

(Visited 223 times, 1 visits today)

About The Author

You might be interested in