Presiden i kol from respek long mama loa

Head blong State i askem ol lida blong mas respektem mo mentenem integriti blong constitution o mama loa.

His Excellency, Pastor Obed Moses Tallis, i talem se hemi biliv se Vanuatu i save acheivem economic independence blong hem sapos hemi rispektem integriti blong mama loa.

President Obed Moses Talis i talem se mama loa hemi wan holi documen blong wan kaontri.

Hemi talem se “Meaning blong integriti i kam isi taem yumi exercisem impotens blong fruitfulness mo sincerity. Akaontabiliti mo komitmen bae i kam gud fren blong constitution mo bai yumi no subject long rule blong loa. Yumi learn long pas experience, mo yumi sorry taem umi luk se circumstances insaed long kavman i weakenem meaning blong loyalti.”

” Long pas i bin kat ol rabis praktis we i involvem ol lida we hemi no folem mama loa blong kaontri ia mo i daonem integriti blong kaontri,” President Tallis i talem.

“Mi kol long kavman blong mas transparent mo akaontabol long evri disisen blong hem.

“ I mas kat gud wok relationship bitwin kavman mo law enfosmen agensi from olgeta nao oli backbone blong kaontri ia.”

President Tallis i askem ol lida blong stopem ol rabis fasen we i kam blong spoilem value blong mama loa.

Hemi talem se i gat ol activiti we ol national lida i stap mekem we i no stap long interest blong ol pipol.

“Yumi mas soem reference blong observem principle mo transparency, akaontabiliti mo avoidem rabis praktis we i save undermandem ol raet blong ol pipol wetem democratic naja long nation ia,” President Tallis i talem.

“Integriti blong national Palamen mo kavman ofis i mas stap oltaem blong protektem soverniti blong nation ia.

“Mo mi kol blong yumi everi wan blong yumi mas serve wetem dignity blong preservem integriti blong Palamen wetem ol pablik institution blong yumi we oli representem constitution blo yumi.

President Tallis i talem se wetem hemia hemi biliv se hemia hemi wan key eria blong save acheivem economic independence long nekis 25 yia.

Hemi talem ol toktok ia blong makem constitution dei.

(Visited 8 times, 1 visits today)

About The Author

You might be interested in