Kol from jens long 2022

Opposition i talem se niu yia hemi taem blong mekem niu jenis long laef.

Lida blong Opposition, Honoroble Ralph Regenvanu, i talem toktok ia long Niu Yia adres blong hem long nation long en blong Decemba 2021.

Mr Regenvanu i talem se niu jenis i save mekem nation, famili, komuniti i kam moa antap.

“Oltaem taem yumi kam long Niufala yia, yumi mas tinkbaot wanem nao yumi ajivim long yia we i pas,” Mr Regenvanu i talem.

“Wanem nao ol gudfala samting we yumi glad se yumi bin pat long hem. Mo wanem nao ol samting we yumi luk se yumi save impruvum long laef blong yumi long yia ia i ko.

“Hemi taem blong mekem ol niu yia resolution. Ol samting we yumi wantem mekem long niufala yia ia blong impruvum laef olsem health, famili o fasin blong wok wetem narafala man.

“Hemi taem blong jensem mo mekem sam niu samting blong mekem se yia ia i moa gud bitim las yia. Yumi save wan wan laef blong yumi mo wanem blong impruvum.”

Mr Regenvanu i talem se evri wan i kat role blong pleim blong mekem nation, komuniti mo famili i kam beta.

“Long niu yia ia, mi wishem yufala se evri gudfala samting we yufala wantem bae save hapen,”Mr Regenvanu i talem.

“Yumi save se yumi evri wan i mas wok blong ajivim wanem yumi wantem. Wanem yu mekem, weta yu wok long garen, yu wan minista, wan haos gel o wan sportsman, eni samting yu mekem i kat value long hem.

“Taem yu mekem gud yu soem value blong yu tu long komuniti. Yumi mas pat long jens ia, enkarejem evri wan blong pat long hem.

Mr Regenvanu i wishem evriwan wan hapi niu yia 2022.

(Visited 490 times, 1 visits today)

About The Author

You might be interested in