Komiti blong Ifira marine i mekem klin ap

Ifira Marine Management Committee i stap mekem wan bigfala kiln ap folem namba blong ol doti we i stap ko long koastal eria blong Port Vila long wik ia.

Wan memba blong Ifira Marine Management Committee, Nelson Bakokoto, i talem se wetem population growth we i stap ko antap mo tu plante developmen long aria blong Port Vila, hemi taem nao blong lukluk long hao blong tagelem polusen mo ol marine laef long Ifira mo Vanuatu semtaem.

Hemi talem se tinktink ia hemi blong help tu lukaotem gud ol marine laef long coastal mo tu long solwota.

“ Mo hemia nao ol pipol long smol aelan blong Ifira oli luk impotens blong mas kliarem coastal line blong olgeta,” Mr Bakokoto i talem.

“ Tete long coastal eria long Port Vila, fulap pipol oli no rispektem mo oli kontinu blong sakem toti long ol ples ia.

“ Yumi stap yusum ol eria ia long livelihud blong yumi everi dei mo yumi mas lukaotem kud.”

Mr Bakokoto i talem se wol i stap long wan disasta blong COVID-19 mo ol turis bae oli nosave kambak yet long kaontri.

“ Mo hemi impoten blong mas lukaotem kud ol risos mo kipem i kiln oltaem,” hemi talem.

“ Bae i gat tu difren grup blong klin ap, wan oli stat blong pikimap toti long prima kasem long wharf mo nara group bai oli pikimap toti raonem ifira aelan.

“ Klin ap ia bae oli mekem tu long wharf blong pikimap ol toti blong plastic we ol ship oli stap dumpem long plesia.”

Mr Bakokoto i talem se kavman i stap wantem putum ban long diaper mo tim bae i kolektem ol diaper long koastel eria blong Port Vila.

Klin ap ia i folem climate change wik we Vanuatu i stap ko tru long hem.

Mo kiln ap ia i hapen long namba 13 mo 14 October.

 

 

 

 

 

 

 

 

 

 

 

(Visited 12 times, 1 visits today)

About The Author

You might be interested in