Komplen i ko hed-National airline

Komplen long Air Vanuatu Seves hemi ko hed mo kwesten i stap se wetaem seves i kam gud.
I kat ol komplen we pipol i talem long kakae long international flaet mo domestik flaet schedule we i ko hed blong kat problem long ol plen.

Sam sos oli serem ol pikja blong wanem we oli kakae lo plane, mo talem se hemia i no fea long olgeta from fare hemi sas.

Mo oli stap kwestenem Air Vanuatu wetem kleim se oli stap sevem pua kwaliti blong kakae.

VBTC Nius hemi traem blong karem wan ansa long National Airline mbe i nogat wan rispon. Long ol Press rilis, airline hemi steitem se oli fasem financial hadtaem from COVID-19 mo ol isu we i putum ol dificulties ia. Mo oli stap traem blong putum back gud seves. Semtaem oli stap wet long current kavman blong hemi putum sapot i ko blong helpem olgeta wetem ol financial dificulties mo Plan blong karem moa plen blong help long seves.

Niu Minista blong Tourism, Matai Seremiah, i talem se oli wet long apointmen blong niu board blong fixim airline manejmen.

“Mi kam long Ofis ia tu wik i pas mo mi kasem vinis leta blong konsen abaot disrapsen we Air Vanuatu i kosem long industry; Mi kat wetem mi ol komplen mo konsen leta long Torba kasem Tafea Tourism Council oli resem konsen wetem operesen we i rili afektem ol bisnis blong olgeta,” Mr Seremaiah i talem.

“Fulap ol resort mo bungalow long ol aelan oli mas faenem aot afta bookings blong olgeta i kansel from nomo se Air Vanuatu hemi nosave karem ol pasenja blong olgeta i ko long taem. Fulap pasenja oli nosave gud long operesen blong air vanuatu i mekem se oli fraet tumas blong stap mekem ol domestik travel i ko long ol aelan. Mo hemia i wan bigfala konsen. Mo yumi hop nomo se ol shareholda oli apoint niu bod blong save traem impruvum seves blong givim asurens long ol guest mo konfidens long ol opereta long kaontri.”

Prime Minista, Ismael Kalsakau i talem se hemi stap long prioriti blong dil wetem.

“Pipol we bae oli manejem airline blong yumi tumoro oli mas professional, compoten mo kwalifae pipol blong ranem,”

“Sapos yu faenem se yu no save mekem, ating hemia hemi fes signal blong yu blong faenem wan nara ples blong stap long hem.

 

(Visited 460 times, 1 visits today)

About The Author

You might be interested in