Konfusen long distres signal-Erromango

I kat konfusen yet long distres signol long Williams Riva long Erromango long wik ia.

Search hemi kontinu long William’s Bay from wan distres signal we Tontouta Rescue Center long New Caledonia i lokeitem signal blong hem long Wednesday mo letem pipol long Erromango i save long hem.

Lates infomesen we Jif Jason Mete i givim long VBTC Nius, se signal blong device ia oli bin sentrolem long wan olfala jej bilding blong NTM long William’s Bay.

Jif Mete i talem se hem wetem ol pipol long eria blong hem i kondaktem search stat start long 9 o’klok long moning kasem 2 o’clock long Wednesday aftanun mbe oli no faenem eni samting nomo yet.

Hemi talem se wan man wetem woman blong hem i bin harem wan saspek bip noise long haos blong tufala mbe kasem naoia i nokat eni saen blong device o beacon.

Asisten Director blong Civil Aviation Authority, Naiany Karu, i talem se long steij naoia, yumi nosave yet se hu rijistarem beacon ia.

Mrs Karu i talem se i kat 15 ples we distres signal ia i hapen long hem mo hemi long graon mo solwota. Hemi talem se 15 location nao hemi long NTM jej bilding long 2pm Wednesday.

Mrs Karu i talem se olgeta ofisiol blong Tontouta Rescue Center long New Caledonia i klosem off operasen blong distres kol ia vinis.

Situesen ia i mekem pipol long Erromango i wari mo advaes i go out long populesen blong no go kolosap long plen we i land long eni airpot blong Erromango.

Distres signal ia Tontouta Rescue Center long New Caledonia i biliv se i  kam long wan device we oli singaotem Personal Locator Beacon mo oli talem se hemi blong wan plen blong New Zealand. Plane.

 

(Visited 992 times, 1 visits today)

About The Author

You might be interested in