Konsen long leave-Opposition

Opposition i raisem konsen long ol extensen blong ol leave we ol kavman ofisel i tekem.

Lida blong Opposition, Honorable Bob Loughman, i talem se longfala spel blong Praem Minista, i save putum wan dilei long wok we i sud tekemaot.

Long 13 Octoba kasem Friday January 13 hemi makem ova long 60 dei afta we niufala kavman hemi bin fom.

Mr Loughman i talem se ol ofisel includim lida blong Gavman i gat plante wok we oli sud mekem finis.

“Hemi tu manis nao so weta 100 dei plan ia hemi stret blong yumi kolem 100 dei plan,” Mr Loughman i talem.

“Naoia yumi fol bak long plan ia mo mi glad blong luk se hemi wantem saenem taem hemi kambak long wok long en blong January.

Public Relations Ofisa blong Kavman, Joe Harry Karu, i talemaot se spel blong Praem Minista ovasis, i no meanim se wok hemi stop.

Mr Karu i talem se toktok blong Praem Minista i bin pointemaot finis ol direksen plan mo tufala prioriti isu we hemi Air Vanuatu mo citizenship, mo kavman i stap adresem finis.

Hemi kontinu blong talem se wan bigfala step we Praem Minista i tekem hemi blong save pulumaot wan agrimen blong wan asesmen hemi ko insaed long national airline.

Mr Karu i asurem pablik se Praem Minista i stap kat ol miting online nomata hemi stap ovasi.

Saening blong 100 day plan i expek blong hapen long wik ia

Prime Minista, Ismael Kalsakau i anaonsem disisen ia taem hemi kasem Port Vila long wiken afta long visit blong hem long New Zealand wetem ol famili blong hem.

Prime Minista Kalsakau i talem se oli rikwestem blong Palemen i sitaon long March.

“Budget bae hemi pas long March ia nao mo ol loa we yumi nid blong jensem; Hao we yumi wok blong mekem ol system i moa transparent blong bambae save tekem bak  konfidens mo intergrity long ples we hemi sud stap wetem,” Prime Minista Kalsakau i talem.

By Agnes Herbert.

 

 

 

(Visited 59 times, 1 visits today)

About The Author

You might be interested in