Vanuatu Institute blong Technology i kontinu blong dilivarem kwaliti trening nomata oli nomo stap anda long Vanuatu Qualification Authority.
Principal blong Vanuatu Institute blong Technology long Port Vila, Wade Evans, i talem long VBTC Nuis se hemi wan nomol proses we wan institute i ko tru long hem blong riniu rijistresen.
Vanuatu Institute blong Technology hemi kam blong lonsem nuifala stratejik plan blong hem long wik ia, mo hemi stap olsem wan mein motivasen blong boostum pefomens blong olgeta.
Mr Evans i talem se oli fokas bigwan long kwaliti trening blong leftemap skil blong ol yut long wan inter-nasenol rikognise institute we hemi produsum ol hae skil kraduet.
“Wetem gol ya bambae hemi save alaoem tu blong Vanuatu oli luksave hem long inta-nasenol level long saed blong ol skil trening institut mo hae edukesen institute,” Mr Evan hemi talemaot.
Hemi se isu blong rijistarem institute hemi stap long proses vinis mo emi no afektem eni kwaliti perfomens blong VIT.
“Naoia we i stap, mifala i sabmitim ol dokumen blong mifala vinis mo bae qualification authority i saenem rijistresen blong institute bagaken anda long olgeta”
Mr Evans hemi talem seh institute hemi expektem blong saksesfuli trainem ova 1000 yuts wetem kualifying certificates tru aot long yia ya, mo bambae hemi saveh ko plante mo spos ol man oli saveh afodem trening fee weh hemi VT10,000 long wan kos blong tu wik.
VIT principol hemi kol long kavman anda long Ministri blong edukesen blong oli save mekem ol kos sponsasip hemi avelabol long ol yut, from oli faenem i had blong pem kos.
Mr Evans i talem se tingting blong stratejik plan hemi blong kaontri i save aksesem hae skil wokman we bambae oli kontribut long wan sastenabol mo resilien Vanuatu.
-Jamie Brown, trainee journalist
