Learn tru long hearing-Denis Watekeni

Wan 14 yia old boy we hemi no save lukluk mbe hemi gat abiliti blong learn insaed long skul tru long hearing blong hem.

Denis Watekeni hemi seken bon long famili hemi karem ful sapot blong mama blong hem blong mas go skul.

Mr Watekeni hemi stap long wan special class blong ol pipol wetem disabiliti long Pikinini Play Time skul long Luganville, Santo.

Hemi wan special pikinini we skul ia hemi kivim hem wan full time tija blong stap wetem hem insaed long classroom.

Elty Nakia Iatiknu, skul tija blong Denis i talem se even though Denis hemi wan pikinini wetem special nid, yet hemi gat sam strengthen insaed long classroom.

“Long academic strength blem hemi save harem, hemi nosave lukluk be hemi save toktok hemi save smell. Long saed blong learning blong hem, hemi save talem ol shpes be hemi nosave luksave; hemi nosave talem se wanem hemi wan square, So blong helpem hem blong faenem ol samting ia blong save givim long hem.” Ms Iatiknu i talemaot.

Smol sista blong Denisha Watekeni we hemi nao i stap holem hand blong brata blong hem i go long skul i talem se hemi gat heart mo passion from big brata blong hem.

Mo from reason ia nao hemi wandem stap helpem hem i ko long skul.

“Mi fil sori lem from hemi blind hemi nosave mekem wan samting, “Ms Watekeni i talemaot.

“Pipol i mas lukaotem brata o sista blong olgeta sapos hemi disable.”

Mama blong Denis, Mrs Florence Watekeni i talem se hemi hope blong hem se wan day bai smol boy blong hem i save fulfilim drim blong hem long education.

Mrs Watekeni i bin helpem smol boy blong hem ia sins hemi faenem aot se hemi lusum sight blong hem mo stat putum hem long skul taem hemi 2 years old.

“Faenem wea nao skul hemi ovarem disabiliti learning putum hem insaed; No lego hem,” Mrs Watekeni i talem.

“Bae oli fil oli pat long ol nomol pikinini. No holem taet pikinini we hemi disabiliti insaed long hom, putum hem aot. Yu holem hem insaed long hom bae hemi no recognise(pa oli no luk save hem).”

Mrs Watekeni i wok long Northern Provincial Hospital olsem wan nurse mo hemi kam long Vanuatu wetem ol nara grup blong ol nurse we oli kam blong kivim helt seves long ol pipol blong Vanuatu.

(Visited 1413 times, 1 visits today)

About The Author

You might be interested in