Leit MP i kontribut long divelopmen

Graon mo Jastis Pati i talem se hemi sori blong lusum wan memba we i kontribut bigwan long developmen blong helpem ol Saot Malekula pipol.

Presiden blong Graon mo Jastis Pati mo semtaem Lida blong Opposition, Honoroble Ralph Regenvanu, we i leit Memba blong Palemen blong Malekula, Honorable John Sala i pat long hem, i talem toktok ia long funeral seves blong hem long Palemen Haos long Wednesday.

Mr Regenvanu i talem se ol ol pipol blong hem long Malekula mo Vila we oli stap krae naoia, olgeta i lusum wan lida we hemi bin mekem fulap wok blong olgeta.

“Espeseli long las fo yia term long Palemen,we i luk plante developmen i kerap long eria blong hem, Yumi kat wan niufala, junior secondary skul we oli stap bildim naoia, kat wan rod we i stap ko long eria ia we i neva kat rod bifo, mo i kat akses blong finans long smol aelan blong Akham,” Mr Regenvanu i talem.

“Fulap long ol projek ia hemi jensem laef blong ol pipol long Saot Maelula.

“Wife blong hem mo famili we oli bin lukaotem hem ol tis taem wetem sik we hemi kat, mo even yumi harem nogud from we yumi lusum hem, long wan wei mi glad from hemi nomo stap blong safa. Mi wajem hemi i safa wetem sik blong hem plante yia.”

Acting Prime Minista, Minista blong Agriculture, Livestock, Biosecurity, Forestry mo Fisheries, Honorable Willie Daniel, i talem sori long bihaf blong Kavman.

Mo hemi talem tankiu long gudfala wok we leit Mr Sala i bin mekem blong nation.

Late Honarobol MP ia pipol i elektem hem long 2016 mo hemi komplitim namba 11 lejisleja.

Leit Sala i sik longtaem i mekem se hemi no stap atendem gud ol Palemen session long 2020 kasem long yia ia.

Honarobol memba blong palemen pipol i elektem hem long 2016 mo hemi komplitim namba 11 lejisleja.

Hemi go tru bageken long 2020 jeneral eleksen.

Hemi travel i go long Fiji long tu o tri taem blong karem medikel tritmen sins 2020 kasem long yia ia.

Hemi wok longtaem long kavman mo hemi holem post blong deputy daerekta long kastoms dipatmen blong plante yia.

Honarobol Sala i karem Masters long intanasonal kastoms long Brisbane University Australia.

Minista Daniel i kam wetem ol staff blong Prime Ministers ofis, Ministry blong hem mo Ministry blong Internal Affairs.

Ofis blong Clerk blong Palemen, Raymond Manuake wetem ofis blong Speaker blong Palemen we fes Deputy Speaker Honoroble Joshua Pikoune mo fourth Speaker,Honoroble Nako Natuman i soem rispek long coffin blong leit Mr Sala mo ol famili.

Ol hae ofis blong kavman i stap kam yet blong soem last rispek long Palemen Haos long Port Vila.

Ol famili blong leit Mr Sala i stap tu blong soem las rispek long olgeta.

Minista Daniel i kam wetem ol staff blong Prime Ministers Ofis, Ministry blong hem mo Ministry blong Internal Affairs.

Leit Mr Sala i silip long Port Vila Cemetry.