Limit fand -jalenj blong disasta risk

Limited fanding mo risos i wan big jalens long implementation blong ol aksen blong Disaster Risk Reduction.

Ministry blong Climate Change i haelaetem ol jalens ia long selebresen blong International Disaster Risk Reduction day long Luganville, Santo.

Director General blong Ministry blong Climate Change, Esline Garaebiti, i haelaetem ol jalenses ia.

“Limit fanding mo risos blong implementem ol national aksen blong disasta risk reduction,” Mrs Garaebiti i talem.

“Mo impak blong COVID-19 tete hemi kosem bigfala problem long economi blong yumi olsem ol saplae, distrubusen mo ol international sapot mo kodinasen we i givim limit sapot long ol external patna.

“Impak blong climate change we i kosem ol bigfala natural disasta mo i minim se extra efot i mas kam olsem wan laef style blong yumi ol man Vanuatu.

Mrs Garaebiti i talem se logistic tu i wan jalenj long ol komuniti we i mekem akses i had long ol fanding sapot blong kavman mo ol patna blong implementem ol duti blong TRR long ol komuniti.

Mrs Garaebiti i talem se despite ol jalens ia, Ministry blong Climate Change bae hem i kontinu blong mekem sua se mein streaming blong disasta risk reduction long ol sekta plan bae hem i prioriti agenda.

“Mo disasta risk reduction bae hemi kam wan laef style long ol komuniti blong yumi as yumi kontinu blong meintenem status blong kaontri blong yumi olsem wan climate change mo disasta resilien nation,” Hemi talem.

13 October long evri yia hem i international dei blong disaster risk reduction mo Vanuatu i selebretem long yia ia long Luganville Town, Santo.

 

 

(Visited 23 times, 1 visits today)

About The Author

You might be interested in