PSC instraksen long ol kavman trak

Wan instraksen blong tekem aot ol key blong ol kavman trak we olgeta political advisa mo Memba blong Palemen i bin yusum.

Public Service Commission Jeaman, Simil Johnson i talem long VBTC Nius se instraksen ia bae Polis hemi save yusum sapos i nid blong holem taet olgeta trak ia.

Semak instraksen i ko blong olgeta nara kavman propeti olsem ol laptop mo ol mobile fon.

Long semak storian, Mr Simil i askem ol public servant i ko hed long ol nomol wok blong olgeta blong sevesem ol pipol.

“Naoia i ko mi askem nomo ol pipol blong Vanuatu espeseli ol ofisa we oli stap yusum trak blong kavman mo olgeta we oli no entitol long trak blong kavman blong putum bak,” Mr Simil i talemaot.

“Sapos i stap long hand blong yu, yu lukaotem gud blong mekem sua se aset ia i stap long gud kondisen bifo nara kavman i kam in. Nao long saed blong ol wokman blong kavman, oli kontinu long wok blong olgeta olsem we hemi nomol. Hemia hemi kavman nomo we i stap long caretaker mood mo bae yumi kontinu blong provaedem seves long pipol blong Vanuatu olsem we yumi stap mekem.”

(Visited 912 times, 1 visits today)

About The Author

You might be interested in