Manaro ash i yus blong mekem haos

Wan komuniti long Not Ambae i stap yusum ash blong Manaro volcano blong bidim ol gudfala simen haos long Ambae.

William Mala, Wan lida blong Waga komuniti long Lombaha, Not Ambae, i talem se ashfol i kam fom blong sanbij mo oli yusum blong mixim wetem simen mo i kam ol strong bricks.

Hemi talem se plante seasonal wokman we oli pat long Recognised Seasonal Employer scheme oli putum oda long olgeta blong oli bildim ol haos blong olgeta.

“Tinktink blong mekem briks hemi blong help rikava tugeta afta long disasta we i bin afektem bigwan ol pipol,”Mr Mala i talem.

“Yumi bildim ol hom we oli moa risilien taem disasta i kam mbe i stanap strong blong fesem.”

Ashfol disasta blong Manaro volcano i bin afektem ol pipol long aelan long 2018.

Long basis blong Waga long Lombaha Not Ambae bifo 2018, i fulap long ol blak ston mbe afta long 2018 storian i jenis.

“Ashes ia i foldaon long fom blong ashfall, afta wota i karem i kam daon long solwota, solwota i klinim vinis i sakem i kambak long soa, so naoia ol ashes ia i kam sand, mo i kam veri fine mo taem yu mixim cement, hemi holem tuketa mo i kam strong,” Mr Mala i talem.

Mr Mala i talem se briks ia i strong gud from taem oli kilim wetem iron hemi spik bak.

Hemi talem se plante lokol kapenta long Not Ambae i testem sandbij ia wetem simen mo oli konfem se hemi strong blong yusum.

Tete pipol i benefit long gudfala basis wetem sanbij blong ol ship i sevesem olgeta long hem. Ashfol we tete i kam blessing long aelan ia.

Mo oli kolem smol bisnis ia ‘Manaro Bricks’.

 

 

I

(Visited 543 times, 1 visits today)

About The Author

You might be interested in