Mani blong helpem ol lokol bisnis bae i kamaot nekis wik

Dipatmen blong Finance i talem se bai hemi rilisim paymen blong Smol mo Medium bisnis enterprise long nekis wik.

Tim Lida blong Employment Stabilization package, Rex Willie i konfemem wetem VBTC se oli risivim finis ol aplikesen blong ol Smol mo Medium Enterprise i no longtaem i pas, mo long wik ia oli stap wok long process blong paymen.

Prime Minista, Bob Loughman i bin talem long fes ordinary session blong Palamen long manis ia se Kavman i givim VT400 million blong sapotem ol bisnis.

Mr Willie long Finance Dipatmen i talem se “Smol mo Medium bisnis enterprise hemi ol smol bisnis we ol local pipol oli onem, olsem bisnis blong transpot, bisnis blong stoa, construction, bisnis blong turis mo ol narafala wan we oli fall anda long criteria blong smol mo medium bisnis enterprise.”

 

 

 

(Visited 70 times, 1 visits today)

You might be interested in