Maritime i kolem off search blong man Erromango

Ofis blong Maritime Regulator i kolem off search blong wan man Erromango, we i lus long solwota long en blong manis July.

Lloyd Fikiasi, Legal ofisa long Office blong Maritime Regulator, i talem se search we oli bin kontactem i no longtaem, i bin kol off vinis, mbe ol lokol pipol blong Erromango i kontinu blong search from man ia, kasem wanem taem oli wantem stop.

Area Secreatry blong North Erromango, Remy Namtil, i tokbaot search we ol lokol i stap mekem mo talem se oli nomo save faenem man we i bin lus.

“Mifala i tink se, hemi ko long North blong Erromango mo mifala i bin ko jekem ol bot mbe hemi no stap,” hemi talem.

“Raon long Erromango, mifala i putum infomesen i ko long olketa pipol mo ol bot i mekem search long solwota.

“Long Wednesdei wik ia nomo, wan bot i bin ron long solwota blong kasem en blong North blong Erromango.”

Mr Namtil i talem se ol jif blong Port Narvin long Erromango, i bin kam tuketa mo tokbaot lus blong man ia, mo talem se long namba 31 August, bae ol pipol i kam tuketa blong talem se man ia i lus.

Tom Nauwia, blong Port Narvin vilij, long Northeast blong Erromango, i aot long wan seven mita banana bot long namba 31 July mo hemi neva go bak long haos kasem tete.

Mr Fikiasi i talem tankiu long kavman blong save respon long kaen taem olsem mo spesel wan nao, National Disaster Management Office, blong save fundem ol rescue misen ia, no mata oli bisi blong dil wetem ol nara disasta we Vanuatu i stap fesem naoia.

(Visited 1149 times, 1 visits today)

About The Author

You might be interested in