Mein hospitol i operate wetem jalenj

Vila Central Hospitol i kontinu blong kivim seves wetem limit staff mo hospitol fasiliti.

Komen ia Medikol Superintendent blong Vila Central Hospital, Trevor Cullwick i talemaot blong rispon long ol social media post we i talem nogud seves blong hem.

Mr Cullwick i admitim se i kat 300 medikol wokman mo hemi no enaf long population.

Wan social media post i no longtaem i hae lightem how emergency unit long mein hospitol hemi fulap long patient mbe i kat one medikol wokman nomo.

Komen ia i kamaot afta i kat komplen abaot slow seves long hospital.

“Emergency hemi ples we ol man i kam long hem blong yumi dil wetem olgeta kwiktaem,” Mr Cullwick i talem.

“So sapos yu kam wetem flu o hed i so mo i kat wan man we i sot win mo i wantem stap pulum las win blong hem, bae yumi mas putum fokas long man ia from hemi rili nidim help.

“Hemia i no minim se yumi no tekem ol nara wan prioriti mbe yumi dil wetem olgeta yet.”

Hemi notem tu se i kat limit staff wetem hospitol fasiliti mbe hemi biliv se oli traem best blong olgeta blong sevem pipol.

“Outpatient departuring outpatient department, i kat ol nes mo dokta i ranem wetem ol dokta we i stap, mo oli wok long ol shift, nao wan moa isu hemi man pawa we hemi no enaf.

“Yumi traem blong aloketem enaf pipol blong ranem seves ia.

“yes yumi lakem ol equipmen mbe proses i kat in ples blong yumi kari on, blong yumi jensem standard.”

Mr Cullwick i talem se Vila Central Hospitol i stap blong provadem best seves mo kea long ol pipol nomata long wanem.

Ol nara clinic long Vila Central Hospitol olsem eye clinic, oli kat wan dokta mbe i no beis long Vila, mo oli mas limitim namba blong operation long dental clinic i kat tri woking jea nomo, mo oli mas limitim namba blong ol man long 25 patient long wan dei. Olgeta we oli nogat jans blong stap bai oli mas wet kasem we wan opotuniti i kam bakeken.

 

(Visited 374 times, 1 visits today)

About The Author

You might be interested in