I kat nid blong moa awarenes long klamet jens

Department blong Climate change i plan blong mekem moa awarenes blong klamet jens long ol rural eria.

Director blong Climate Change, Mark Waiwai, i talem se awareness we tim blong hem i bin kondaktem long ol wod long Port Vila town i faenem se plante pipol i nosave kud wanem hemi klamet jens mo ol impak blong hem.

Hemi talem se hemi sad blong lukim se plante pipol ia oli liv long Vila mbe yet oli kat smol save nomo from oli nokat akses long ol infomesen blong klamet jens.

“Wetem hemia yumi plan  blong wok wetem ol Non-Government Organisation blong mekem moa awareness i ko long ol rural eria long ol provins blong eduketem ol pipol,” Mr Waiwai i talem.

“Yumi wantem mekem ol awareness long ol taem olsem dei blong environmen o long ol career dei blong ol studen.”

“Hemia bae i helpem ol pipol tu blong impruvum resilience blong olketa so taem oli stap ko tru long ol impak blong climate change, oli save kam moa strong long ol aksen blong olgeta.”

Mr Waiwai i talem se awareness long Port Vila i mekem olgeta blong oli stat muv blong helpem ol pipol.

Hemia i wan samting we bae mifala i wok long hem blong mekem ol infomesen ia i availabol mo i kasem olgeta pipol ,” Mr Waiwai i talem.

“Mo tu blong letem yumi save lem nomo se klamet jens wik bae i stap olsem wan anual even we Kavman i pasem finis wan mani from blong mekem se pipol i kontinu blong andastanem ol impak blong global crisis ia.”

Hemi fes taem we i kat wan awarenes blong klamet jens long las wik blong makem wik blong klamet jens.

Klamet jens hemi jenis long weta, temperature, solwota mo plante moa eria.

 

(Visited 29 times, 1 visits today)

About The Author

You might be interested in