Moa buluk blong Penama butchery

Kavman bae i putum moa buluk long Penama blong inkrisim beef long butchery maket long Ambae.

Minista blong Livestock, Honoroble Willie Kalo Daniel, i talem se ministri bae i lukuk blong stokem bakegen plante buluk blong help holem taet opereson blong bujeri i ko long plande taem we i kam yet.

Minista Daniel i askem ol pipol blong Penama blong no kilim evri buluk mbe folem ol advaes blong ol techinician blong livstock blong bridim moa .

Hemi talem se long wei ia bae oli no askem buluk long Malampa o Torba from oli kat enaf long maket blong fidim pipol.

VBTC Nius i andstan se mit maket ia i bin stap operate vinis mbe from i nokat enaf buluk mo propa manejmen mekem i klos daon sam yia i pas.

Noel Kalo, Acting Director blong Dipatmen blong Industry, i talem se akrimen we oli saenem hemi blong dipatmen blong Ni-Vanuatu bisnis mo livestock ministry i wok wetem mit maket ia blong tu manis mo jensem blong i operate i kam wan koperativ.

Mr Kalo i talem se long wei ia i help manejem bak risos blong pipol.

Presiden blong Penama Provinsiol Kavman, Martiphen Lange, i kol blong pipol i jenisim fasin blong wok wanwan mo lanem blong wok tuketa.

Mr Lange i mekem kol ia folem ol niufala darekson long divelopmen blong provins.

 

(Visited 119 times, 1 visits today)

About The Author

You might be interested in