Moa kokonat seedling long ol fama

Dipatmen blong Agriculture and Rural Development i givim aot ova 200,000 kokonat seedling long 445 fama blong Vanuatu.

Long 2021 ia, European Union (EDF 11) mo Vanuatu Kavman i givim VT35 million blong fandem kokonat production developmen prokram ia.

Coconut Project Support Ofisa, Peniana Patrick, i talem se mein pepes blong prokram ia hemi blong promotem mo enkarejem ol fama blong planem kokonat blong leftemap ol prodaksen long kokonat.

Mrs Patrick i talem se dipatmen i risivim hae namba blong 75 aplikesen i kam long ol fama blong Ambrym aelan.

Mbe ol fama blong Santo nao oli rikwestem hae namba blong seedling we hemi 49,458 kokonat seedling.

Mrs Patrick i talem tu seh oli stap kivim aot ol kokonat seedling ia naoia long ol fama long Sanma, mo afta folem i ko long Tafea, Shefa, Malampa, Penama mo las wan long Torba provins.

“Taem we fama i fulump form, bai hemi indicate long form sapos hemi wantem kasem roll wire o labor sapot,” Mrs Patrick i talem.

“So sapos hemi stap planem wan hekta , fama i save kasem wan roll wire blong 500m o labor sapot blong VT12,000.

“Taem fama i planem tu hekta blong kokonat, hemi gat ol opsen; Fama i save askem tu roll blong wire o wan roll wire wetem wan unit labour sapot(VT 12,000) o tu unit blong labour sapot(VT24,000) blong pem labour we hemi plant.”

National Coconut Strategy program emi aim blong planem 1 million kokonat  trees long taem period blong 2016- 2025.

Long 2016 kasem 2020,  prokram ia i bin givim aot finis 438,629 coconut seedling long ol fama.

Mo long yia ia, dipatmen i stap givim out 211,893 kokonat seedling.

Beis long statistik we Mrs Patrick i givim, Ambae i kat 17 fama blong kokonat we oli plant long 68 hekta blong graon mo oli kasem 9,581 seedling, Pentecost i kat 62 kokonat fama we oli plant long 155 hekta blong graon mo kasem 22,165 seedling, 75 kokonat fama long Ambrym we oli plant long 161 hekta mo 20,306 seedling, 17 fama blong kokonat long Malekula wetem 118 hekta mo 16,864 seedling, 29 fama long Paama, 60 hekta mo 7,865, long Efate 33 fama wetem 165 hekta blong graon mo 23,442 seedling, long Epi 11 fama wetem 3,289 seedling mo 23 hekta blong graon, long Emae 15 fama , 20 hekta mo 2,860 seedling, long Tongoa 1 fama i plant long 5 hekta wetem 715 seedling, long emau, 5 fama, 7 hekta mo 1,001 seedling, long Nguna 1 fama, 1 hekta wteem 150 hekta , lsix fama long motalava, 17 hekta mo 2,431 seedling long Toga, 1 fama, 3 hekta mo 429 seedling, 3 fama long Ureparapara wetem 10 hekta mo 1,430 seedling, long Vanualava, 12 fama , 30 hekta mo 4,290 seedling, long Rah aelan 1 fama, 1 hekta mo 143 seedling, long Loh aelan, 1 fama, 3 hekta mo 429 seedling, long mota 1 fama, 4 helhekta mo 572 seedling, long merelava, 1 fama, 2 hekta mo 286 seedling, long Gaua, 2 fama , 48 hekta mo 6,864, long erromango, 49 kokonat fama, 113 hekta wetem 16,159 seedling, 27 fama long tanna wetem 40 hekta mo 5,720 seedling, long santo 42 fama, 346 hekta mo 49,458 seedling, long aore 2 fama, 28 hekta mo 4,004 seedling mo long malo 31 fama, 80 hekta mo 11,440 seedling wetem total blong 445 fama evri wan we we oli plant long 1,508 hekta blong graon wetem 211,893 seedling.

 

(Visited 76 times, 1 visits today)

About The Author

You might be interested in