Moderna COVID vaccine awenes-Sanma

Awenes blong Moderna COVID vaccine blong ol pikinini long Sanma i ko hed.

Ol lida long Sanma provins i agri wetem Ministry blong Health blong rolem aot Moderna Vaksin long Sanma provins long ol age 12 kasem 17 yia.

Hemia afta long wan consultation miting we Health i kat tugeta wetem ol Principle blong ol skul long Sanma, mo tu ol Jifs mo ol jej lida insaet long Luganville.

“Yumi wok wetem Principal Education Ofisa blong Sanma blong mekem sua se priperesen i mas redi folem rolaot we bae i stat long tu -tri wik taem i mas ko hed folem plan,” Sanma Public Health Manager, Vanua Sikon i talem.

Mr Sikon i talem tu se i nid blong evriwan i stap long semak level blong save blong mekem sua se rolaot blong stik meresin i ko hed.

“Ol jej blong yumi blong oli kat miting wetem ol parents blong oli saenem aot ol konsen form blong kasem sapot,” Mr Sikon i talem.

“Hemia blong help priventem ol yangfala blong kasem sik ia COVID.”

Jeaman blong Luganville Council blong ol Jifs, Jif Nathaniel Jones i talem se awenes i gud blong mekem se oli save karem stret information i go bak long komuniti.

“Hemia blong mekem sua se ol pikinini i stap sef,” Mr Jones i talemaot.

“Mo pripea long taem we boda bae i open long July 1.”

Awenes ia i hapen tete wetem ol lida fastaem mo ol dei we i stap kam bambae i kat moa toktok wetem ol eria council raon long Sanma Provins blong mekem rere olgeta i ko long ol komuniti.

 

 

(Visited 120 times, 1 visits today)

About The Author

You might be interested in