Mosen blong nokat trast akensem kavman

Opposition i putum wan mosen blong nokat trast akensem Hed blong Kavman long eli wik ia.

Lida blong Opposition, Honoroble Ralph Regenvanu, i talem se resen ia hemi from i nokat gudfala lidaship long Kavman blong tete.

Hemi talem se hemia hemi fes mosen afta long wan yia we kavman ia i kam long pawa.

Ol resen blong mosen ia i ko olsem, unconstitutional mosen blong aotem opposition long Palamen las yia, kontinu spend long politikel self-intrest long taem blong nasonal eonomik kraeses, feilia blong provaedem kwiktaem faenansel asistens olsem stimulus pakej, felia blong disaplinim ol minista mo ol memba.

Mr Regenvanu i talem se i kat 10 Memba blong Palamen we oli bin presen long Ofis blong Speaker blong Palamen, Honoroble Gracia Shadrack, blong saenem mosen ia.

“Mifala i bin toktok raon plante taem blong mekem wan mosen blong nokat tras from mifala i luk lidaship blong kavman ia i no impruv nomo,” Mr Regenvanu i talem.

“Mo mi no wantem wan mosen we bae i ko fail nomo from namba.

“Mbe mosen we mifala putum naoia mi biliv se mifala i kat namba mo bae i pas.”

Kavman saed i talem se bambae hemi no komen long mosen akensem Speaker blong Palamen, Honoroble Gracia Shadrack, mo Prime Minista, Honoroble Bob Loughman.

Long kavman caucus miting long wik ia, i lukim kavman saed i komandem namba blong Palamen Memba.

Kavman i talem se opposition bae i tekem 12 Memba blong Palamen wea blong sapotem mosen we hemi putum.

 

 

 

(Visited 125 times, 1 visits today)

About The Author

You might be interested in