Motion blong nokat trast i witdro

Opposition i karemaot motion blong nokat trast akensem Kavman tete moning long Palemen Sitting from i nogat namba.

Lida blong Opposition, Bob Loughman i talemaot tete.

“Mr Speaker long bihaf blong Opposition, mi wantem talem tankiu long yu from motion we mifala i bin putum mo yu akseptem se hemi stap long oda long taem we mifala i bin putum motion,” Mr Loughman i talem.

“Mifala i satisfyem provision blong constitution (mama loa) we i minim se mifala i bin kat namba long taem ia taem mifala i putum motion. Mbe taem i kam kasem long yestete naet, sam long mifala i bin jensem tinktink blong olgeta we hemi respektabol mo from hemia, mi stanap long moning ia blong withdroem motion no.1 blong 2023.

Kavman i kleimem samples long 30 Memba blong Palemen we oli stanap bihaen long Prime Minista Kalsakau.

Opposition i bin putum mosen ia long las wik Friday.