Naentin MP apil kes long July

Naentin Memba blong Palamen oli apilim disisen blong Supreme Court blong vacatem seat.

Hem ia i kamaot long Supreme Court Conference long yestedei aftenun.

Long 18 June, Supreme Court i bin sapotem disisen blong Foma Spika, Gracia Shedrack we i anaosem empti seat blong 19 MP ia.

Apil kot bae i sidaon blong harem apil kes ia long 12 July long naen oklok long moning.

Jastis Viran Molisa Trief i odarem loya blong 19 MP ia, Sakiusa Kalsakau, blong mas faelem apil ia bifo en blong bisnis haoa long 29 June.

Jastis Molisa Trief i odarem responden blong apil ia we hemi State Law blong mas faelem notis mo graons blong cross apil i hapen by 4 pm long Wednesde wik ia.

Hae kot long Vanuatu i putum Wednesde wik ia blong jaj i lukluk long fael long tuketa pati mo tekem ol notes.

Long minute mo oda blong kot ia, Jastis Molisa Trief, i askem blong appelant i fael mo sevem Part B blong apil buk by 4pm long namba 1 July mo ol sabmisen long namba 5 July bifo bisnis haoa i klos.

Long semfala fasin responden mo interested pati oli mas mekem sabmisen by 4pm namba 7 July.

Loya blong 19 MP i askem blong ovasi kaonsel i handlem apil keis ia.

Long 8 June, Foma Spika blong Palamen, Gracia Shedrack i bin anaonsem se seat blong ol 19 MP ia we i includum Prime Minista mo Deputi blong hem, i empti.

Hem ia from oli no bin atendem tri consecutive sitting blong Palamen long namba 1 kasem namba 3 June.

(Visited 1064 times, 1 visits today)

About The Author

You might be interested in