Nasonal Weta: Mandei 06 Julae

Ol aelan long Not mo pat blong sam aelan long Sentrol Vanuatu bae oli kat klaodi kondisen wetem ren mo janis blong tanda i save faerap long tedei.

Vanuatu Meteorology mo Geo-Harzards Dipatment i talem se mbe long ol nara pat blong kaontri bae oli ekspektem patli klaodi kodisen long tedei.

Dipatmen ia i talem se laet mo fres win bae i bloa long saotis truaot long kaontri. Top tempereja long dei blong tete bae i stap long 25 dikri daon long Saot i ko kasem 28 dikri antap long Not. Minimam tempereja long tunaet bae i stap long 13 dikri daon long Saot i ko long 24 dikri antap long Not.

Long solwora, fastaem long Not mo Sentrol wota, win bae i bloa long saotis wetem spid blong 21 kasem 25 knot wetem solwora bae i raf kasem 2.5 mita. Mo long solwora long nara pat blong kaontri, win bae i bloa long saotis wetem spid blong 16 kasem 20 knot, solwora bae i raf wetem kasem wan haet blong 2.0 mita.

(Visited 7 times, 1 visits today)

You might be interested in