Nasonal weta: Mandei 06 Oktoba

Patli klaodi wetem janis blong smol sawa ova long ol pat blong sentrol mo noten aelan.

Vanuatu Meteorology mo Geo-Hazards Department i talem se long ol nara pat blong kaontri, bae oli gat wan patli klaodi kondisen.

Dipatmen ia i talem se laet win bae i bloa truaot long grup.

Top tempreja long tudei bae hem i stap long 26 dikri daon long saot mo 30 dikri antap long not.

Tempreja long tunaet bae hem i stap long 20 dikri daon long saot mo 24 dikri antap long not.

Long solwora, win bae i bloa long saotis wetem spid blong 11 kasem 15 knot. Solwora bae hem i laet nomo wetem wan haet blong 1.5 mita.