Nasonal weta: Mandei 20 Julae

Smol ren i posibol ova long ol aelan long Not.

Vanuatu Meteorology mo Geo-Harzards Dipatmen i talem se long ol narafala pat blong kaontri, bae oli gat wan gudfala weta nomo long tedei.

Dipatmen ia i talem se laet win bae i bloa long saot mo saotis daereksen ova long grup.

Top tempereja long dei blong tede bae i stap long 25 dikri daon long Saot mo 29 dikri antap long Not. Tempereja long tunaet bae hem i stap long 17 dikri daon long Saot mo 24 dikri antap long Not.

Long solwora, saot mo saotis win bae i bloa wetem wan spid blong 11 kasem 15 knot, solwora bae i raf wetem wan haet blong 1.0 kasem 1.5 mita ova long ol open solwora long kaontri.