Nasonal weta: Mandei 27 Julae

Klaodi kondisen ova long ol Not mo Sentrol aelan wetem posibol brif sawa mo patli klaodi long ol narafala pat blong kaontri.

Vanuatu Meteorology mo Geo-Harzards Dipatment i talem se laet mo fres win bae i bloa ova long grup.

Dipatmen ia i talem se top tempereja long dei blong tede bambae i stap long 27 dikri daon long saot mo 29 dikri antap long not. Tempereja blong tunaet bae hem i stap long 18 dikri daoan long saot mo 25 dikri antap long not.

Long solwora, is mo saotis win bae i bloa wetem spid blong 21 kasem 25 knot wetem solwora we bae i raf kasem 2.5 mita ova long olgeta kostol wota long kaontri.