Nasonal Weta: Thursday 11 June

Ol aelan long Not bae oli ekspektem ren mo samtaem hevi ren long tedei.

Vanuatu Meteorology mo Geo-Harzards Department i talem se be long ol narafala pat blong kaontri i sud gat klaodi kondisen wetem janis blong smol ren i save foldaon.

Duti Weta Fokasta long Vanuatu Meteorology mo Geo-Harzards Department i talem se fres win bae i bloa ova long grup.

Hem i talem se maximum tempereja long tedei bae hem i stap long 27 dikri daon long saot i ko kasem 31 dikri antap long not.

Duti Weta Fokasta ia i talem se minimum tempereja long tedei bae hem i stap long 22 dikri daon long saot i ko kasem 24 dikri antap long not.

Hem i talem se long solwora, win bae i bloa i kam long is i ko long saotis wetem spid blong 21 kasem 30 knot. Solwora bae hem i raf wetem wan haet blong 2.5 kasem 3.0 mita ova long Saoten, Channel mo pat blong sentrol wota. Mbe long solwora long ol narafala pat blong kaontri, win bae hem i bloa i kam long is i ko long saotis wetem spid blong 16 kasem 20 knot. Mo haet blong solwora bae i stap long 2.0 mita.

(Visited 12 times, 1 visits today)

About The Author

You might be interested in