Nasonal weta: Tosdei 16 Julae

Patli klaodi kondisen ova long grup wetem janis blong brif shawa ova long ol Saoten Aelan mo evening sawa long ol narafala ples long kaontri.

Vanuatu Meteorology mo Geo-Harzards Department i talem se laet win bae i bloa long not mo saotis daereksen ova long ol Saoten Aelan. Long ol narafala pat blong kaontri, win bae i bloa long i kam long is mo saotis daereksen.

Dipatment ia i talem se top tempereja long dei blong tedei i stap long 28 dikri daon long Saot mo 30 dikri antap long Not. Tempereja long tunaet bae i stap long 19 dikri daon long Saot mo 26 dikri antap long Not.

Long Noten mo Sentrol wota, is mo saotis win bae i bloa wetem spid blong 11 kasem 15 knot. Solwora bae i raf wetem wan haet blong 1.0 kasem 1.5 mita.

Long solwora long ol narafala pat blong kaontri, win bae i bloa long not mo saotwes daereksen wetem spid blong 11 kasem 15 knot. Solwora bae i raf wetem wan haet blong 1.0 kasem 1.5 mita.