Nasonal Weta: Tuesdei 30 June

Ol aelan long Torba Provins bae oli gat wan klaodi kondisen long tedei wetem smol ren i save foldaon.

Vanuatu Meteorology mo Geo-Harzards Dipatment i talem se mbe long ol narafala pat blong kaontri mbae oli gat wan klaodi mo gudfala weta long tedei.

Dipatment ia i talem se laet win bae hem i bloa long i kam long saot mo saotis truaot long kaontri.

Top tempereja long dei blong tede bae hem i stap long 26 dikri daon long Saot i ko long 29 dikri antap long Not.

Tempereja blong tunaet bae hem i stap long 17 dikri daon long Saot mo 25 dikri antap long Not.

Long Noten mo Sentrol wota, win bae hem i bloa long saotis long wan spid blong 21 kasem 25 knot wetem solwora we bae i raf kasem 2.5 mita. Mbe long solwora long narafala pat blong kaontri, win bae i bloa long saot mo saotis wetem spid blong 16 kasem 20knot mo solwora bae i raf wetem wan haet blong 1.5 kasem 2.0 mita.

(Visited 9 times, 1 visits today)

About The Author

You might be interested in