Nasonal weta: Wednesdei 29 Julae

Ol aelan long Not mo sam aelan long Sentrol Vanuatu bae oli gat wan klaodi kondisen mo kasem smol ren long tedei.

Vanuatu Meteorology mo Geo-Hazards Department i talem se mbe long ol narafala pat blong kaontri janis blong laet ren i save foldaon.

Dipatmen ia i talem se laet mo fres win bae i bloa long is mo saotis ova long grup.

Top tempereja long dei blong tede bae hem i stap long 25 dikri daon long Saot mo 29 dikri antap long Not. Temprereja blong tunaet bae hem i stap long 19 dikri daon long Saot mo 25 dikri antap long Not.

Long solwora, win bae i bloa long is mo saotis wetem spid blong 21 kasem 25 knot wetem solwora we bae i raf kasem 2.5 mo 3.0 mita ova long ol kostol eria blong kaontri.