National census long November

National census blong Vanuatu long yia ia, bae i kolektem infomesen blong wan wan man mo haos blong hem.

National Coordinator blong Census, Jimmy Tamkela i talem se,

Census hemi kavem ap plante eria lelbet mbe oli intres blong save personal infomesen blong wan man olsem, education o wok blong hem mo plante moa.

Hemi talem se long saed blong haos, mifala wantem save wanem kaen ruf u kat long haos blong yu, o wanem kaen floa yu kat moo l narafala samting bakeken we i dil wetem haos.

“ Ol infomesen ia bae i helpem Kavman long saed blong plan blong hem long futja,” Mr Tamkela i talem.

“ Census fom ia bae i kat ol kwesten blong ol sekta olsem health, education, labour, disabiliti mo energy.

“ Ofis blong Statistic i wantem everi wan blong oli redi wetem ol National id card, birth mo maret certificate wetem card blong vote taem tim blong census i ko mitim olgeta.”

Mr Tamkela i talem se kavman hemi komitim hem vinis blong fandem national census ia we bae i tekem ples long manis November 2020.

“ Kavman i kam in vinis mo soem sapot mo komitmen blong hem wetem wan mani blong VT 100 million so naioa mifala stap wok ia mifala stap wok long mani blong kavman we i kam in,” hemi talem.

“ European Union i kam in blong kivim VT 50 million mo United Nations Fund for Population Activities i kam in blong kivim VT 10 million.”

Ofis blong Statistic i talem se oli eim blong yusum 950 pipol blong mekem wok ia.

National census i stap tekem ples everi afta 10 yia mo hemi bin dilei long yia ia, from i kat wan mini census long 2016.

Sins Independence blong kaontri, Vanuatu i bin ko tru vinis long fo National census blong hem

 

 

(Visited 14 times, 1 visits today)

About The Author

You might be interested in