National employment polisi diskasen

Wan fes eva national employment polisi blong adresem ol wok isu i stap long diskasen long wik ia.

Commissioner blong Labour, Muriel Meltenoven, i talem long VBTC Nius se long past 40 yia i no bin kat eni polisi blong helpem pipol blong faenem wok.

Mrs Meltenoven i talem se polisi ia bae hemi kriatem wok blong helpem ol pipol.

“Wetem employmen blong statem polisi ia, bae provaedem balans long human resos we yumi stap trenem out i ko long labour mobility program; mo hamas skil wokman blong yumi we oli save stap blong growem domestik maket,” Mrs Meltenoven i talem.

“Main pepes blong semina ia hemi blong helpem ol memba blong ol difren organisation blong andastanem rikwamen blong developmen mo implementation blong wan hae kwaliti gender responsive polisi.”

“Yumi diskasem COVID we emi kat bikfala impak long leba maket long Pacific olsem i nomo kat inkam(mani), ol man i lusum wok, woking haoa i ko daon long ol bisnis revenu from ol maket i klos.”

Ol kavman ofisiol inludum ministri mo nasonal otoritis mo representativ blong ol woman i stap long diskasen ia.

by trainee journalist, Gracelyn Garae & Ezra Toara.

(Visited 120 times, 1 visits today)

About The Author

You might be interested in