National provinsol kem i muv

Vanuatu National Provinsol kem i muv i ko long 2022 from i nokat enaf preperesen.

Director General blong Ministry blong Sports, Henry Vira, i talem long VBTC Nius se hemia i folem skul exam mo shot taem we Malampa provins i no redi.

Mr Vira i talem se oli bin tok araon long hem mo muvum i ko long 22 May 2022.

“Malampa provins hemi mekem bigfala wok blong hostem National Secondary skul kem i no longtaem i pas,” Mr Vira i talem

“Hemi haousem ova 3000 skul pikinini blong yumi.

“Mo blong expektem sem provins mo ples blong hostem wan moa kem, hemi no fea long ol organise komiti.

“From hemi smol manis nomo bifo en blong yia.”

Mr Vira i talem tu se wetem even i muv i ko long neks yia, hemi kivim taem long sport komisen, Vanuatu Association blong Sports mo National Olympic Committee(VASANOC)  wetem ol lokol organising komiti blong priperem ol faciliti blong haosem ol patisipen.

Hemi talem se olgeta we oli akri blong muvum kem ia hemi nasenol sports comisen, Director General blong Ministry blong Internal Affairs , Director blong lokol otoriti wetem lokol organising komiti blong Malampa afta long sekondari skul kem.

National kem i sapos blong tekem ples long 22 kasem 27 Novemba long Malampa provins mbe naoia bai i tekem ples long nekis yia.

National Secondary Skul kem i bin tekem ples long 23 kasem 31 August long Lakatoro, Malekula.

 

(Visited 243 times, 1 visits today)

About The Author

You might be interested in