Nawae i kleimem bak propeti

Nawae Construction Limited i kleimem bak ol properti blong hem long Tanoliu Village, Efate.

Jif Exekutiv Ofisa blong kampani ia stap long Vanuatu mo traem negosiet blong karem bak ol properti ia we kavman i ownem naoia.

Nawae Construction Limited, wan PNG kampani we i rejista long kaontri i talem se oli wantem setelem isiu ia aotsaed long kot.

Sugden Lawyers we i riprisentem kampani ia i adem se oli rejistarem wan keis finis long kot olsem seken obsen long klaen blong hem.

“Client blong mi i kam long July 5 afta long boda i open blong setelem isu wetem Customs,” Gordon Avock, Legal Council blong Nawae Construction Limited i talemaot.

“I kat wan kes we mifala i rijistarem we i stap pending long Kot. Mo bae mifala i luk sapos kavman i kat wan setelmen wetem kampani sapos i nokat be kot i prosid wetem kes.

I gat wan tug boat mo wan badge i detain tu we Nawai kampani i bin yusum blong shipim ol tul blong hem.

Lloyd Fikiasi, Deputy Commissioner International i talem se ona blong tufala ship i askem Nawae blong akt long bihaf blong hem.

Mr Avock i talem se Nawae i intres blong karem bak ol property blong hem from se hemi no bin part long kot keis we kavman i winim long taem blong lokdaon.

“Mifala i stap lukluk blong extendem stay blong hem blong luk weta oli save solvem wetem kavman o no,” Mr Avock i talem.

“Hemi wan kes we client blong mi i neva pat long hem.”

Mr Fikiasi i admitim se folem ol negosiesen, kampani blong Singapore i wantem salem tufala ship blong hem.

“Yumi interes nomo long ship, oli like salem, rijistarem , yumi lukluk loa mo komplae wetem loa blong customs,” Mr Fikiasi i talem.

Dipatmen blong Kastom mo Inland Revenue i talem se hemi no save komen long isiu ia from i gat wan kot disisen finis.

Disisen ia i kivim raet long kavman blong onem ol machine blong Nawae mo hemi save salem blong mekem mani blong Vanuatu.

(Visited 52 times, 1 visits today)

About The Author

You might be interested in