Nid blong bildim kud rod long Tanna

Infrastructure Developmen hemi prioriti blong Kavman.

Hed blong Kavman, Praem Minista, Bob Loughman i givim assurens toktok ia taem hemi stap mekem ol visit long aelan blong Tanna.

Praem Minista, Loughman i talem long ol pipol blong Not mo Not West Tanna se “Bae kavman i fixim rod blong yufala.”

Hemi talem se “I kat filta rod projek vinis be kavman i mas includum improvmen blong olketa pablik rod blong helpem economi blong kaontri.”

“Plante pipol long ol aria ia oli involve plante long activiti blong farm olsem oli planem sandalwood o peanut mo even lukaotem ol livestock animol olsem pig mo buluk,” hemi talem.

“So i kat nid blong mekem rod fix long aria ia quik taem.

“Rod fix ia bae i stat long Whitegrass mo Lowenatom blak bij.”

Sam lokol blong Not Tanna i talem se rod hemi wan isu we oli fecem longtaem.

Praem Minista Loughman i talem se Kavman i plan blong mekem gud rod ia long Tanna from i kat plante visita ovasea oli stap kam luk Yasur Volcano, kastom mo experiencem aelan laef everi dei bifo COVID-19 i happen long wol.

Hemi talem se “Kavman i plan vinis blong kat wan joint partnership program wetem wan private kampani blong save bildim wan bigfala wharf long Not tanna, blong i save tekem ol bigfala ship.

“Mo semtaem saplaem olketa goods i kam direk long Tafea provins,” Praem Minista Loughman i talem.

(Visited 83 times, 1 visits today)

You might be interested in