Area Secretary blong Aneityum i talem se, Council blong ol jif long aelan blong Aneityum, i mekem disisen blong olketa binis we oli salem fuel i mas katem daon praes blong mekem i fair long ol pipol.
Selwyn Daniel i talem toktok ia long VBTC taem Pacific Petroleum i setem ap wan fuel station long aelan blong Aneityum.
Hemi talem se taem fuel i kam kasem yumi long aelan, yumi salem mo mekem profit.
“Praes blong fuel long plesia hemi semak long Vila we hemi jip mo hemia i helpem plante nao olketa owna blong bot,” Mr Daniel i talem.
“Petroleum tim long Port Vila i kam long Aneityum blong luk ol posibol site blong save setem ap fuel station mo yumi understandem se i kat ol fuel station tu long sam nara aelan vinis mo olketa mein longtaem kastoma hemi tu o tri long plesia, ol nara kastoma i stap long ol lokesen we hemi no gud tumas blong setap lem from i stap longwe.
” Wan station we i set ap nawia long solwota, hemi blong tu mein kastoma we i stap kolosap long tufala mo tufala i agri blong join long fuel projek ia.
“Tankio long Pacific Petroleum blong ansarem longtaem krae blong pipol taem hemi setemap wan niu mo pemanen fuel steisen long aelan ia.”
Mr Daniel i talem se, fuel steisen ia i no open yet mbe hemi stap operet vinis.
Hemi talem se Pacific Petroleum i konfemem se bambae oli openem fuel station ia, taem sam bigfala man blong olketa i kam long Fiji afta long COVID-19 pandemic.
“Wok blong setem ap projek ia long remote aelan blong Aneityum i bin gohed blong samtaem mo Pacific Petroleum kampani mo ol longtaem kastoma blong hem long aelan ia i luksave fuel projek ia long manis ia,” Mr Daniel i talem.
Semak projek blong fuel, Pacific Petroleum i setem ap long aelan blong Tanna, Malekula, Efate mo long Pentecost long las tu yia.