Niu Malampa netball association

Vanuatu Netball Association i setemap wan niu netbol association blong Malampa Provins long Malekula hemia long January ia.

Country Coordinator blong NetGo, Virginia Taravaki, i ko long Malekula mo help organisem mo semtaem setemap association ia wetem sapot blong Vanuatu Netbol.

“Developmen blong Netbol emi kam wetem pasen mo mi glad long lidasip we mifala i stap tete mifala i save rivaevem mo setemap niufala asosiasen bageken,”Kathie Simon, Presiden blong Vanuatu Netbol Association i talem.

Long niufala yia ia Malampa mo Tafea hemi tu provins we Netbol Vanuatu emi setemap association long hem.

Mrs Simon i talem se wan mein risen bihaen hemi blong beta divelopem spot ia long ol aelan mo komuniti long kaontri.

“Plante long ol yangfala oli stap nomo mo yumi save usum olgeta long saed blong spot blong oli save setemap ol gem mo club blong helpem olgeta blong pleim ol gem,”Mrs Simon i talem.

“Sik blong suka mo hae blad presa i stap kam antap so yumi mas pleim spot ia.”

Vanuatu Netbol Association i wishim evri memba association all the bes long ol developmen aktiviti blong olgeta tru aot long yia ia.

(Visited 355 times, 1 visits today)

About The Author

You might be interested in