Niu port projek

Vanuatu mo Japan i saenem wan projek blong kolosap VT200 Million blong sapotem security long ol ports.

Vanuatu Foreign Minista, Jotham Napat i saenem niu projek agrimen wetem Ambasada blong Japan long Vanuatu, His Excellency, Chiba Hirohisa i no longtaem.

Hemia i tekem ples afta long Bilateral miting we Minista Napat i kat wetem Forein Minista blong Japan, Hon Takei Shunsuke we i bin visitim kaontri long last wik.

Tufala Minista i bin diskusem ol posibility blong Intanasenol Coperesen mo extenal Trade behaen klos doa.

Hemi inkludum ol niu radio ekwipmen long ol shipping Ports long evri provins. Wan boat blong Lugainvile. Mo some nara tul blong yusum long ol wof, olsem trak mo fork lift.

Mr Hirohisa i talem se projek ia bai i help long sef mo stabol maritime transport long ol Port mo coastal area long tugeta intanesenal mo domestik harbour.

Foreign Minister blong Japan hemi bin visitm Lapitasi Wof long wiken, blong lukim fes hand developmen we i hapen folem VT8 Billion loan we Vanuatu kavman tru long partnership wetem Ifira trust tufala i bin karem long olgeta blong extendem wof ia.

Mbe Minista Takei i leko kaontri hemi bin mit wetem prime Minister Ishmael Kalsakau taem hemi bin kasem bak kaontri afta long Holiday blong hem long New Zealand.

Tufala i bin kat wan kwik diskasen long ol work we tufala gavman i stap mekem, mo storian about plan blong niu kavman.

Prime Minista Kalsakau hemi talem thank you long visit blong Minista Takei long visit.

(Visited 24 times, 1 visits today)

About The Author

You might be interested in