Friday, March 29, 2024
26.8 C
Port-Vila
Friday, March 29, 2024
More

    Niu rikruit blong adresem pilot shotej-Air Vanuatu

    National Airline bai hemi mekem niu rikruit blong adresem shotej blong pilot.

    Chief Executive Ofisa blong Air Vanuatu, Atu Finau hemi talem sori from distebens long ol flaet from shotej blong pilot.

    Mr Finau hemi talem se tufala main samting we i kosem distebens long domestic flaet long ol past wik hemi shotej blong kwalifae pilot mo nara wan hemi from pilot oli sik.

    Hemi talem se oli stap rikruitum finis ol pilot mo bai oli statem wok long ol dei i kam.

    Press rilis i statem se ol port we bai oli afek hemi long Maewo, Penticost, Ambrym, Malekula mo Banks Islands.

    Be bai oli meintenem flaet i ko long Santo mo Tanna.

    Mr Finau hemi talem se international flaet bai nogat isu wetem long hem.

    Long press statement, Atu Finau hemi rispon long ol alegesen about sefti audit blong airline se sefti hemi stap olsem prioriti blong olgeta.

    Mr Finau i talem se Air Vanuatu hemi pasem evri sefti audit we oli mekem i no longtaem i pas.

    Rispon ia i kamout folem ol toktok we i kamout long wan foma Chief Pilot blong Airline, Stuard Friend we hemi kleim se termination blong hem i from Mr Atu i no wantem lisen long hem abaot sefti standard espeseli ova loading blong ol plane olsem ol twin otter.

    Be Mr Atu i talem se ol alegesen ia wan independent investigator hemi investigetem finis mo faenem se i nogat wan samting i rong.

    Long semfala statement Air Vanuatu hemi talem se bae ol staff mo Chief Executive Ofisa i nosave toktok long Media bakegen after situasen blong ol wokman blong hem.

    VBTC Nius hemi bin stat toktok wetem sam staff we i expresem harem nogud blong olgeta long manejmen blong Air Vanuatu.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen