Niu senta blong Malvatumauri long Santo

Malvatumauri Council of Chiefs Northern Administration senta i open long Santo.

Niufala centre ia i open long Luganville Town long tete moning.

Malvatumauri Council of Chiefs Northern Administration Center ia bae i provaedem administration seves i ko long ol provins long not.

President blong Malvatumauri Council blong ol Chief, Jif Wemal Tuwo Vanu Willie Grey Plasua nau i unveileim saen bod blong niufala senta ia wetem Mayor blong Luganville Municipality, Peter Patty mo President blong Tabwemasana Counci blong ol Jif, Jif Shem Kalo.

Niufala senta ia i stap oposit long Agriculture Dipatmen long Luganville Town.

Chief Executiv Ofisa blong Malvatumauri Council of Chief, Jif Jean Pierre Tom, i tokbaot wok blong niufala senta ia.

Jif Tom i talem se ofis ia i provaedem seves long ol nara tri provins we hemi Sanma, Torba mo Penama.

“Sapos hemi dil wetem isu blong finans blong kam long Port Vila, ol pipol i save kam ia nomo long center ia,” Jif Tom i talem.

“Yumi setem ap ofis ia tu blong dil wetem kastom adopsen blong ol pikinini blong Vanuatu; Yumi isuem certificate long ples ia mo sendem i ko long civil registry long Port Vila.

“Kastom mared mo narafala wok we yumi stap tinktink blong wok lem plante hemi to do wetem traditional knowledge mo expresen long kalja blong mekem sua se senta ia i wok wetem Malvatumauri blong pasem aot infomesen long ol pipol.”

Mayor blong Luganville Municipal Council, Peter Patty nao i katem ribon blong niufala ofis ia.