Niu VNPF insurens kampani

Wok i stap blong setem ap niu Vanuatu National Provident Fund Insurens kampani.

General Manager blong Vanuatu National Provident Fund, Parmod Archary i talem se ol social benefit blong ded, housing, education, health mo natural disasta i folem amendment(jenis) long act blong olgeta we i bin hapen long 2019.

Hemi talem se ded benefit i fes wan blong lukluk long hem.

“Naoia kwiktaem bae yumi yusum Speacial Dead Benefit platform mbe taem insurens kampani blong mifala i rijista bae fes prodak i lonj; Insuren kampani bae hemi olsem wan branch blong VNPF nomo,’ Mr Archary i talemaot long Insaed Long Nius tokbak sho blong VBTC.

Folem ded benefit ia, ol pipol i save kat akses long VT750,000 mo oli kivim long every yia wan amaon blong VT5,000.

“Wetem niu benefit yu jes pem VT5000 wantaem, yu kwalifae. Next yia yu pem bakegen. Wan long olgeta impoten samting ia se sapos yia ia papa blong yu i ded afta yu kaontem VT50,000 mo nekis yia yu pem bakegen mo putum wan mo nem blong wan famili memba olsem mama. Hemi rili flexible mo bae i helpem ol memba long longterm,” Mr Archary i talem.

Hemi talem se tete i ko ofis blong VNPF hemi open blong pipol i save ko blong fulup ap form blong ded benefit.

 

(Visited 314 times, 1 visits today)

About The Author

You might be interested in