Niu wota tank projek blong Not Ambrym

Pipol blong Not Ambrym eria kaonsel i wan niu komuniti wota tank.

Area Administrator blong Not Ambrym eria council long Nebul, Jackson Willie Bulemaru, i talem se tank ia hemi 22, 500 litre mo bae i provaedem wota long 43 komuniti long eria ia.

Mr Bulemaru i talem se mani blong wota tank ia hemi ova long VT400,ooo.

Hemi talem se oli patna tugeta wetem National Bank blong Vanuatu mo Adventist Development Relief Agency(ADRA) blong bildim projek blong wota tank ia.

“Mifala i pem labour blong ol lokol i wok,”Mr Bulemaru i talem.

“National Bank blong Vanuatu i pem VT127,000 mo Adventist Development Relief Agency i sapot wetem sam nara ekwipmen.

Mr Bulemaru i talem se Not Ambrym Eria Kaonsel i kat ol inkam generating projek we i stap in ples blong mekem mani blong i save fandem ol own projek blong hem bakeken.

I kat wan bilding we wan bisnisman i stap rentem, ol maket haos fi we oli kolek evri manis, wan guest haos blong eria kounsel we i operate 24 haoa we plante man i stap yusum, wan eria blong kaonsel we National Bank blong Vanuatu i stap rent long hem evri manis blong VT40,000 naoia we seves blong hem i ko online mo sea bot transpot we ol pipol i save pem. I kat ol reit blong sea transpot, sapos bot i travel long Nebul kasem Craigcove bae hemi VT13,000 o long Olal kasem Craigcove hemi VT15,000.

Mr Bulemaru i talem se long taem naoia we Wol i stap long COVID pandemic, ol inkam projek ia i sapotem olgeta bigwan from oli no dipen.

Hemi talem se wota tank ia hemi wan ajivmen blong lonjem long selebresen blong Malampa dei 2021 we provins i kat 27 yia.

Adventist Development Relief Agency nao i konstraktem bigfala wota tank ia.

 

(Visited 63 times, 1 visits today)

About The Author

You might be interested in