No propa tender registrasen-Health

I nokat wan propa registrasen long ol tender we health i stap putum aot.

Hemi wanem we Public Accounts Committee i faenem long manis ia(June 2022).

Chairman blong Public Accounts Committee, Luganville Memba blong Palemen, Matai Seremiah i talem se wanem we Health Financial tim i talem aot long committee hemi kam blong konfemem se oli breachim contract mo tender act.

Hemi talem se wanem we oli interest long hem, hemi ol Request for Quote (RFQ) proses we oli faenem we i nid blong kwestenem.

Mr Seremiah i talem se even sam quotation we i stap long proses ia, oli ol kiaman wan we oli biliv se health nomo i stap mekem blong mitim proses blong wan Tender.

Long wan tender blong kavman, i nidim tri quotation, mo committee i faenem tu kondrata we health i ko hed blong yusum nem blong tufala blong mitim rikwamen ia.

Mr Seremaiah i talem se wan long ol contractor ia hemi operetem wan Maintenance & Repair Service.

Taem oli toktok long hem oli faenem se hemi no awea long ol quotation ia.

Taem hemi kwestenem John Pakoa(kondrata) we nem blong kampani blong hem i stap long ol quotation oli biliv se i no stret wan we hemi mekem.

“Long asesmen blong public akaons, tufala kampani ia, Mata construction mo John Pakoa maintanance, i neva winim wan kondrak within 21 period ia be oli bid from fulap kondrak be oli neva win we i strange,” Mr Seremaiah i talem.

“From hao tufala i neva win bid.

“I kat ol quotation we yu kleim se yu mekem, samfala yu kleim se yu no mekem, long yestete yu bin talem se yu neva mekem, tete storian i jens bakgen, sapos i nid blo mifala i samonem yu bakegen blong talem difren stori long wanem yu talem.

Be Mr Pakoa i talem i stil denyem se hemi no mekem ol nara faev quotation.

Hemi talem se aot long 13 quotation ia hemi mekem eight mo faev hemi no mekem.

Committee hemi suspicious long quotation blong two kampani olsem we oli bin submitim bid from i nokat proper contact, stamp blong kampani compare long ol narafala contractor we oli bid from semak tender.

(Visited 1852 times, 2 visits today)

About The Author

You might be interested in