Nutrition emergency training

Ol kavman stakeholda long ol provins oli kam tugeta long wan nutrition emergency training long Port Vila long wik ia.

Acting Nutrition coordinator, Nerida Hinge i talem lo VBTC Nius long tete se training ia i blong kam ap wetem wan plan blong rispon long saed blong ol mama wetem ol pikinini we oli kat 0-5 yia long taem i kat wan disasta olsem saeklon.

“Long taem blong disasta yumi mainly fokas o yumi seremaot ol kakai blong ol bigman nomo beh, pikinini we oli anda 5 yia, samtaem yumi mestem aot ol kakai blong olgeta, ol distribution blong ol kakai ia i no majem ogeta,” Mrs Hinge i talem.

“Yumi evriwan i save se long taem blong disasta ol health wokman oli ol fraenlaen blong yumi ,so training ya i helpm olgeta blong impruvum yumi blong kakae ol raet kaen blong kakae.”

Mrs Hinge i talem se so far Health e nokat wan Nutrition plan in ples so Health i apil long ol nara kavman patna blong help blong rispon long ol disasta lo saet blong malnutrition mo tu general population blong save kat akses long kudfala kakai mo gud health facilities.

Faev dei training wetem sapot blong UNICEF mo e plan m organized long Dipatmen blong Public Health  mo e kat ol government health officers oli attendm tu olsem participant long ministry blong health mo agriculture, National Disasta Management Ofis, ol Nurse mo Save the Children.

By trainee journalist, Patience Mawa

 

(Visited 366 times, 1 visits today)

About The Author

You might be interested in