Ol COVID-19 voluntia i straek

Ol COVID-19 voluntia long Port Vila i ko long straek from oli no tekem vatu sins July 2021.

Hemia i mekem se vaksin senta i clos mo boosta dose blong ol front laen woka i no save go hed.

VBTC Nius i kasem infomesen se i kat 35 voluntia we oli no kasem pei taem oli wok long COVID-19 vaccination rolaot.

Ova VT9 million i stap olsem aotstanding mani we Kavman i sud pem.

Straek blong tete i mekem se Shefa Pablic Health Manager, Obed Manwo, i stopem COVID -19 stik kasem taem oli solvem isu ia.

Ofis blong Shefa Pablik Health i reisem konsen long rilis blong fand o mani we Ministry blong Health i stap longtaem blong givim aot.

Mr Manwo i talem se plante taem Shefa health i mas divertem ol fund blong olgeta blong help long taem blong COVID-19.

Hemi talem se Ministry blong health i mas luk save eria ia blong alaoem olgeta i kat akses long mani blong COVID.

Hemi talem se from akses blong funding oli no save deployem ol helt wokman blong ko mekem vaccination long Shepherds mo Epi aelan.

Around 9 volunteers we oli responsible long data entering long vaccination center long Port Vila oli strike.

VBTC i toktok wetem Acting Director blong Pablik Helt, Dr Jenny Stevens mbe i talem se bai i no save rispon long mata mbe oli stap wok blong solvem isu ia kwiktaem.

Folem wan agrimen we Ministri blong helt i saenem wetem ol Non- Gavman organisation we oli sapotem vaccination ia olsem Save the Children, wan voluntia i entitle blong karem wan VT3000  long wan dei.

Agrimen ia, i en long Decemba las yia, mo naoia Shefa i gat wetem olgeta sins January 9 Voluntia nomo blong mekem data entry long ol rikod blong vaccination long provins blong Shefa.

 

 

(Visited 111 times, 1 visits today)

About The Author

You might be interested in