Ol jif blong Tanna i kol from stabiliti

Nikolatan Kaonsel blong ol Jif long Tanna i kol blong Kavman i mas kat uniti mo stabiliti.

Presiden blong Nikotan Kaonsel blong olketa jif, Jif Willie Lop i talem toktok ia taem hemi stap adresem Praem Minista mo delekesen blong hem tete long aelan blong Tanna.

Hemi talem se, “Taem i kat stabiliti long kavman, ol pipol i save luk divelopmen.”

“Mi askem kavman tu long kivim moa pawa long olketa jif mo kastom.

“Mi wantem luk se kastom mo jej, Mama loa blong Vanuatu i mas luksave mo kivim moa pawa long tufala.”

Long respon, Praem Minista Bob Loughman i talem se kavman blong hem i luksave tufala bodi ia mo bae hemi wok blong i kam moa strong.

Mo hemo aotlinem priporiti mo polici direksen blong kavman we i stap.

Praem Minista mo delekesen blong hem i kasem kastom welkam, long Nikolatan Kaonsel blong ol Jif long nakamal blong olketa long Laminu long Lenakel.

Kastom danis i lidim parade long Tafea Cooperativ kasem long Laminu nakamal.

Jif Lop i talem se, “Long manis March jif kaonsel ia i mekem visit i ko long Vila long Ofis blong Praem Minista mo kongratuletem Praem Minista Bob Loughman long hae posisen we hemi holem naoia.

Hemi talem se long semtaem oli bin invaetem hem blong kam bak long nakamal ia mo oli talem tankiu long hem tru long kastom.

Presiden blong Malvatumauri Kaonsel Blong ol Jif , Jif Grey Plasua, i stap long Tanna tu blong witnesem bigfala kastom seremoni ia.

Praem Minista Bob Loughman mo delekesen blong hem, i stap long Tanna blong faev dei visit long constituency blong hem.

(Visited 302 times, 1 visits today)

You might be interested in