Ol nasonal i talem tankiu long repatriation

Wan Ni-Vanuatu i talem se hemi glad blong kobak long haos afta long 14 dei kwarentin.

George Malas, wan Ni-Vanuatu we i bin stranded long Australia blong ova tri manis i talem se, “Mi nosave wet blong ko aot mo enjoyem fridom we Vanuatu i kat from i no kat eni kes blong COVID-19.”

Hemi talem se, “Mi talem tankiu bigwan long kavman wetem ol wokman we oli bin lukaotem mifala taem mifala stap long kwarentin.”

Mr Malas i bin stranded wetem plante citizen long Australia blong ova three manis wetem wife mo pikinini blong hem, afta we oli bin atendem wan mared long Australia long manis March.

Boda hemi bin clos mo oli no bin save kambak.

Mami blong Mr Malas hemi bin welcomem hem mo smol family blong hem wetem bigfala smile, mo hemi talem bigfala tankiu.

Wan nara citizen we hemi bin travel i kam long Japan, Alex Micky, blong joinem repatriation long Australia, i talem se hemi wan bigfala samting we kavman i mekem blong karem bak hem.

Hemi araon 153 long olgeta we oli aot long kwarentin long Wednesdei wik ia.

 

 

(Visited 87 times, 1 visits today)

You might be interested in